ටයි කෝටි රෙදි අස්සෙන් පවා කුලයේ කුණු බේරේ!


හෘදසාක්ෂියක් නැති මිනිසුන්ගේ එතැන ඇත්තේ කුණු ගඳ ගහන සැරවා ගෙඩියකි. ඉතිං  හෘදසාක්ෂිය ක්‍රියාකාරී වියයුතු සෑම අවස්ථාවකම ඔවුන් වෙතින් වහනය වන්නේ ශිෂ්ට සම්පන්න මනුෂ්‍යත්වය නොව හාත්පස ගඳ ගස්සන දුගඳකි. සජිත්ගේ කල්ලිය ද එහෙමය. ඔවුන්ට හෘදසාක්ෂියක් නැත. ඒ නිසා යෝජනාවක් කළත් වෑහෙන්නේ කුණු ගන්දස්සාරයක් මිස අනෙකක් නොවේ.

ඊට හොඳම සාක්ෂිය වන්නේ විධායක ජනාධිපති ධූරය ඉවත්කරලීම සම්බන්ධව ඉදිරිපත් කර ඇති යෝජනාව කුල ප්‍රශ්නයක් බවට පරිවර්තනය කිරීමේ නින්දිත උත්සාහයයි. ඒ සම්බන්ධයෙන් පක්ෂ නායක රනිල් වික්‍රමසිංහ ඇතුළු පක්ෂයේ අනෙක් නායකයන්ට නගන අභූත චෝදනාවයි.

පසුගාමීත්වයන් එජාපයෙන් පැන්නුවේ රනිල් :

මෑත ඉතිහාසයේ කිසිම අවස්ථාවක විශේෂයෙන් රනිල් වික්‍රමසිංහ නායකත්වය යටතේ එජාප ස්ථාවර කිසිවක් පසුගාමීවී නොමැත. ජාතිවාදී, ආගම්වාදී, කුළ මළ, පමණක් නොව ලංකා දේශපාලනයේ වඩාත් පෙරටුගාමී පක්ෂය බවට පත්ව ලිංගික අනන්‍යතා මත වෙනස් ලෙස නොසැලකීම පිළිගෙන කටයුතු කිරීම වෙනුවෙන් පක්ෂ මතය හදන්න තරම් පක්ෂ නායක රනිල් වික්‍රමසිංහ නිර්භීත විය.

අද රාජපක්ෂ කඳවුර එක්සත් ජාතික පක්ෂය දේශප්‍රේමී නොවේය කියන්නේ ද එජාප කඳවුර තුළින් ඉහත සියළු ආකාරයේ සමාජ සංස්කෘතික පසුගාමීත්වයන් අතුගා නූතන සමාජයට ගැලපෙන ආකාරයකට පක්ෂ මතය සකස්කර ඇති නිසාය.

ලිංගික අපචාර‍ චෝදනා ලබන , භික්ෂු ශාසනයට නිගා දෙන කහකඩයන් පවා ( සුපේෂල ධාර්මික භික්ෂූන් මීට අයත් නොමැති බව සලකන්න ) පක්ෂයට විවේචන ගෙනෙන්නේ එනිසාය.

නිර්භීත තීන්දුවක් :

එහෙත් ජාතිවාදී නොවීම , ආගම්වාදී නොවීම, අන්තවාදී නොවීම, කුළ මළ නොතැකීම , ලිංගික අනන්‍යතාව නොතකා කටයුතු කිරීම නූතන ශිෂ්ට සමාජය පිළිගත් දියුණු ප්‍රජාතන්ත්‍රවාදී ලක්ෂණ බැවින් පසුගාමී ගෝත්‍රික විවේචන හමුවේ පවා ඒ නොතකා කටයුතු කරන නිර්භීත තැනක පක්ෂය පසුවෙයි.

සජිත්ට සර් කියන්න බැරිද ? සජිත්ට අපේක්ෂකත්වය නොදෙන්නේ අඩු කුළේ නිසා වැනි තුප්පහි අදහස් සජිත් පාර්ශවය මතු කරන්නේ එවැනි පසුබිමකය. 

 රට පුරා චෛත්‍ය සෑදීම බෞද්ධකම බව සලකන සජිත්ගේ ගොබ්බ ලෝකය අරක්ගෙන දේශපාලන ගේම් හරහා පක්ෂය මෙන්ම රටේ අනාගතය අවධානමේ යොදා සිටින තක්කඩියන්  මේ මඩ ප්‍රචාර දියත් කරන්නේ ඇයි ? අපි අවධානය යොමුකළ යුත්තේ ඒ වෙතයි.

සජිත්ගේ ලෝකය හරි පොඩියි :

සජිත් යනු ජනාධිපති ධූරයට තියා ඉස්කෝලයක පන්ති නායක කිරීමටවත් නොසුදුසු අයෙකු බව ඔහු කරන මොළේ නොමේරූ ප්‍රකාශ හරහා ඔප්පු  කරමින් සිටියි. ඔහු ශරීරයෙන් වැඩිහිටියෙකු වුවත් මනසින් බබෙකුට සමානය. පූර්ව ළමාවිය සම්බන්ධ අවරෝධනය නොවූ මානසික අවුල් රැසක් එකවිට ඔහු වෙතින් පෙන්නුම් කරයි. 

කුලය මතක්කර සජිත්ට හර්ට් කිරීම :

හැබෑවටම සජිත්ට අපේක්ෂකත්වය නොදෙන්නේ කුළ භේදය නිසා බවට අදහස සජිත්ගේ පාර්ශවය තුළ සිටින ලිබරල් කුහකයන් මතු කරන්නේ මෙන්න මේ සජිත්ගේ අවුල ඔවුන් හඳුනාගෙන සිටින නිසාය. ඔවුන් "රනිල් වික්‍රමසිංහ අග්‍රාමාත්‍යවරයා ප්‍රමුඛ එජාප නායකයන් වෙත මඩ ගහන ලීලාවෙන් ආමන්ත්‍රණය කරන්නේ සජිත්ගේ කුඩා මානසික ලෝකය වෙතයි.

මන්ද ඔවුන්ගේ තක්සේරුව අනූව " ආර්. ප්‍රේමදාස ජනාධිපතිට කට ඇර සර් කියූ රනිල්ට සජිත්ට සර් කියන්න බැරි කමක් කොහෙත්ම නැති බව තේරුම් ගන්න තරම් සජිත්ගේ මොලය පරිණත නැත.

රෙද්දෙන් ලිබරල් මහත්වරු :

අනෙක් කාරණය වන්නේ මේ ලිබරල් රෙදි ඇඳගෙන සජිත්ගේ කල්ලිය නියෝජනය කරන තක්කඩි මහත්වරුන්ගේ අවිඥානය මෙහිදී දොට්ට පැන තිබීමයි. පැහැදිලි ලෙස ඔවුන් ලිබරල් සළු හැඳ සිටින්නේ ලිබරල් සංස්කෘතිය, ලිබරල් නිදහස, ලිබරල් ආර්ථික ප්‍රතිපත්තිය ලංකාවේ තහවුරු කිරීමට වඩා ප්‍රසිද්ධියේ ලිබරල්වාදය වෙනුවෙන් පෙනී සිටීමත් ලංකාව තුළ රැඩිකල් වන නිසා පමණයි. ඒ හැර ඔවුන් ලංකාවේ ඇතැම් වම්මුන් මෙන් (පෙනුමින් මාක්ස් වාදී, කොමියුනිස්ට් වාදී වුවත් ඇතුලෙන් පෙම් කරන්නේ උග්‍ර ධනවාදියෙක් වීමට) ය. 

ඒ අනුව මේ ටයිකෝට් ඇඳ මාර ලිබරල් එකක් පෙන්නුම් කරන්න උත්සාහ කළත් ඔවුන්ගේ ඇත්ත ජීවිත තුළ අභ්‍යන්තරයේ ඇත්තේ ඉතා පසුගාමී අදහස් ය.

මේ අදහස් කෙරෙහි අවධානය යොමුකරන ලෙස අපි ඔබෙන් ඉල්ලමු.

1. රනිල්ට කිසිදු අවස්ථාවක ජනාධිපති වෙන්න නොදෙන්න මේ කියන පාර්ශවය විරුද්ධ බව තහවුරුයි. 1995, සිට 2005 දක්වා රනිල්ට බෑ කියන මතය හැදුවේ කුළය සම්බන්ධ වෛරය නිසා විය නොහැකිද?

2. දකුණේ දේශපාලනය කුළය මත තීරණය වන අතර ඒ පසුගාමී අදහස් සමස්ථ රටටම ඌනනය කරන්න එන්නේ තමන් අඩු කුළයේ නිසාම එහි අන්තවාදය වෙත තල්ලුවී ගොස් ඇති නිසා විය නොහැකිද?

3. මෙවර ජනාධිපතිවරණය සදහා එජාප කඳවුර වෙතින් විධායක ජනාධිපති ධුරය අවසන් කිරීමට විශ්වාසය තැබිය හැකි අපේක්ෂකයා ලෙස කරූ ජයසූරිය පත්කිරීමට යන බව පෙනිපෙනී සජිත්ව උස්සගෙන නාඩගම් නටන්න ගත්තේ කුලය ගැන තියන ඇරියස් එක නිසා නොවේද?

4. පක්ෂය තුළ කිසිදු භේදයක් නොමැතිව සලකා තිබියදී කුලයක් ගැන ප්‍රශ්නයක් එන්නේ රනිල් නොව තමන් ඒ ගැන වඩාත් උනන්දුවෙන් කටයුතු කරන නිසා නොවේද?

5. අවසන් වශයෙන් ඔබලා කුලවාදී නොවන බව පෙන්වා හිටියට කරන වැඩ ඇතුලේ යළි යළිත් ඔප්පු කරමින් සිටින්නේ සමාජය තුළ තිබෙන ඉතා පසුගාමී අදහසක් වන (අඩු කුලේ වුන් කරන්නේ ජරා වැඩ ) අඩු කුලේ පර හැත්ත යන්න නොවේද?

ටයි කෝටි රෙදි අස්සෙන් පවා කුලයේ කුණු බේරේ! ටයි කෝටි රෙදි  අස්සෙන් පවා කුලයේ කුණු බේරේ! Reviewed by Admin on 11:37 PM Rating: 5

No comments

Top Gossip

gossip