'ජනාධිපති ධූරය අහෝසි කරන්න සජිත් එකඟ නෑ': හෙටත් ප්‍රෙස් එකක් තියන්න!


අගමැති රනිල් ඊයේ (16) එජාප කණ්ඩායම් හමුවේ ඉතා පැහැදිලිව කිව්වා ජනාධිපති අපේක්ෂකත්වය ලබාදීම සම්බන්ධ කමිටු තීරණය අනූව එජාප අපේක්ෂකයා නම් කරන බව.

ඒ එක්ක පස්ස දැවිල්ල ගත්තේ  සජිත්ගේ කල්ලියේ. පක්ෂ සමගිය බිඳිමින් පක්ෂය අරාජික කර එජාපය නම් අභිමානවත් සහ ප්‍රෞඩත්වයෙන් යුතු පක්ෂය කිලී මහරාජාගේ හා මෛත්‍රීපාලගේ දෙපා මුලට දාන්න වලිකන මේ කල්ලියේ පස්ස දැවිල්ල ගත්තේ  වරදකාරී හැගීම් ඔවුන් වෙලාගෙන තියන නිසා.

නැත්නම් බය වෙන්න කිසිම හේතුවක් සජිත්ගේ කල්ලියට නෑ. ඒ ඇයි කියනවා නම් ජනාධිපති අපේක්ෂකයා සම්බන්ධ කමිටුවේ වැඩියෙන් ඉන්නෙ සජිත්ගේ කල්ලියේ සාමාජිකයන්.

මේ කමිටුවේ සාමාජිකයන් 5යි. රාජිත සේනාරත්න, දිනේෂ් වීරක්කොඩි, රංජිත් මද්දුමබණ්ඩාර, කබීර් හෂීම් සහ මලික් සමරවික්‍රම ඒ සාමාජිකයන්.

අගමැතිගේ කතාව නිසා පස්ස දැවිල්ල ඇරගන්න සජිත්ගේ කල්ලිය කළේ දඩිබිඩියේ මාධ්‍ය හමුවක් සංවිධානය කිරීමයි. ඒ අද (17) මංගලගේ ගෙදර.

හැමදාම කියවන නංදෙඩවීමට වැඩි දෙයක් එතන කියවුනේ නෑ. ඒත් මාධ්‍යවේදී සගයෙක් සජිත්ගෙන් නියම ප්‍රශ්නයක් ඇහුවා. ඒ විධායක ජනාධිපති ධූරය අහෝසි කිරීමට පක්ෂද කියලයි.

සජිත් අමාරුවෙන් තටමන්න ගත්තා. තටමලා තටමලා කිව්වෙ මොකක්ද? විධායක ජනාධිපති ධූරය අහෝසි කිරීම ගැන කවුරුවත් විද්‍යාත්මකව සොයා බලා නෑ කියලයි. ඒ වගේම ඔහු කිව්වේ විධායක ජනාධිපති ධූරය අහෝසි කිරීමට ජනතාව දෙන තීන්දුව අනූව කටයුතු කරනවා කියලයි.

කිලීගේ සහ මෛත්‍රීපාලගේ පිල්ලිය මොකක්ද මේ කියන හරුපේ. විධායක ජනාධිපති ධූරය අහෝසි කිරීම කියන්නේ 2015 ජනවරමට දුන්න පොරොන්දුවක් සහ එජාප ප්‍රතිපත්තියත් එයයි.

මෑත ඉතිහාසය ගත්තාම, මහින්ද රාජපක්ෂ විධායක ජනාධිපති ධූරය බල තණ්හාව ඉහට ගහපු එයින් රෝගී වූ ඒකාධිපතියකුට ලැබුණු විට ජනතාවට වෙන දේ ඔප්පු කළා. මැරෙන තුරාවට රජෙකුගේ බලතල එක්ක ජනාධිපති වෙන්නයි මහින්ද ගේම ගැහුවෙ. ඒ ඇතුලේ නිදහස ලැබුණේ කාටද ? මිනීමරු ස්ත්‍රී දූෂකයෙකුට වුනත් මහින්දගේ මිනිහෙක් නම් ආරක්ෂාව තහවුරු වුනා. කොච්චර සාධාරණ යුක්තිගරුක වුනත් මහින්දගේ නෙවෙයි නම් මිනිය පවා අතුරුදහන් කරන ඒ ගැන අහන්න පවා බැරි පසුබිමක් මහින්ද විධායක ජනාධිපති විදියට නිර්මාණය කළා.

අන්න ඒ මිලේච්ඡ ඒකාධිපති වියරුව 2015 දී පරාජය කලා. එහි ප්‍රමුඛ පොරොන්දුව විධායක ජනාධිපති ධූරය අහෝසි කිරීම.

ඒත් 2015න් පස්සේ වැරදුණු තැනක් තිබුනා. ඒ දිනන්න පුළුවන් අපේක්ෂකයා සහ පොදු අපේක්ෂකයා ලෙස මෛත්‍රීපාල කියන දැක්මක් නැති නොදියුණු මනසින් පිරුණු හීනමාන පෞරුෂයක් ඒ නිසාම ඇතිව සිටි අයෙකු ජනාධිපති කිරීම.

ඔහු යහපාලනය ආරම්භ අවස්ථාවේ පොරොන්දු නිසාම 19 වන ව්‍යවස්ථා සංශෝධනය සම්මත කරගන්න සහය දුන්නා. නමුත් පසුව බල තණ්හාව ගැහුවා. හීනමානය දෝරේ ගලාගොස් පිස්සු නටන්න ගත්තා.

ඔක්තෝබර් 26 ව්‍යවස්ථා විරෝධී ආණ්ඩුවක් අටවගෙන සිරිසේන ඔප්පු කලා ඒකාධිපති ගායෙන් පෙළුණු රජ උෂ්ණය ගහපු මහින්ද වැනි පාලකයෙක් නැවත බිහිවීමේ අනතුර නිසා විතරක් නෙවෙයි මෛත්‍රීපාල වගේ පිස්සු හුටං කෙනෙක් බිහිවීමේ අවධානම නිසාත් විධායක ජනාධිපති ධූරය තවදුරටත් මේ තියන ආකාරයට ලංකාවට අහිතකර බව.

රාජ්‍ය නායකයා ලෙස ඉන්දීය බුද්ධි අංශ (රෝ ඔත්තු සේවය ) තමන්ව ඝාතනය කරන්න ඉන්න බව කියලා පස්සෙ මෝදි අග්‍රාමාත්‍යවරයා වෙතින් සමාව ගත්ත මෛත්‍රීපාල ඔප්පු කරා ඒ වගේ රාජතාන්ත්‍රිකයක හැසිරීම නොදන්නා , නොදියුණු , ග්‍රාම්‍ය මනසක් ඇති අයෙකු යම් බලතල කප්පාදුවක් යටතේ වුවත්  රාජ්‍ය නායකයා ලෙස කොතරම් අන්තරාවකට රට පත්කිරීමට පුලුවන්ද කියන එක.

ඒ එක්කම තමයි විධායක ජනාධිපති ධූරය අහෝසි කිරීම අදටත් ප්‍රජාතන්ත්‍රවාදී කඳවුරේ ප්‍රධාන කොන්දේසියක් වී තියෙන්නේ. එහෙම වෙලාවක තමයි සජිත් මේ විද්‍යාත්මක සොයා බැලීමක් ගැන බහුභූත කියවන්නේ.

මේ ප්‍රකාශය ඉතා බරපතලයි. මොකද මෙයින් පැහැදිලි ලෙස කියවෙන්නේ සජිත්ගේ තියන බල තණ්හාව නිසයි. පක්ෂයේ හෝ ප්‍රජාතන්ත්‍රවාදී කඳවුරේ අපේක්ෂාව, අරමුණ ගැන ශුද්ධ වූ විශ්වාසයක් සජිත්ට නෑ. ඒ  වගේම සජිත්ගේ වැඩපිළිවෙළ ඇතුලේ එජාපය ප්‍රමුඛ ප්‍රජාතන්ත්‍රවාදී බලවේග වල අපේක්ෂාව සමග සජිත්ගේ අපේක්ෂාව කොහෙත්ම පෑහෙන්නේ නැති බව ඒ අනූව පැහැද ඉතා පැහැදිලියි.

සජිත්ට ඕන කොහොම හරි ජනාධිපති අපේක්ෂකත්වය කොල්ල කන්න විතරයි. ඒ වෙනුවෙන් ඕන මජරම වැඩක් කරන්න සජිත් ඇතුළු ඔහුගේ කල්ලිය සූදානම්. නමුත් ප්‍රශ්නයක් තියනවා. සියළු දෙනා එකමුතුව මුහුණදීමට සිදුවන අභියෝගයක් බවටත් එය පත්වෙනවා.

ඒ,  සජිත් අපේක්ෂකයා කරගෙන ඔහුට ජනාධිපති වීමට සහයදී මේ රටට පිළිලයක් වී ඇති විධායක ජනාධිපති ධූරය අහෝසි කරගන්නේ කොහොමද?

හෙට ප්‍රෙස් එකක් තියලා සජිත්ගේ කල්ලිය කියයි "නෑ නෑ නෑ .. අපි විධායක ජනාධිපති ධූරය අහෝසි කරනවා ..  සජිත් ඒකට පක්ෂයි. අපේ වැඩපිළිවෙළට ඒක ඇතුලත් " වගේ පට්ටපල් කෙබරයක්. 

ඒත් අමතක කරන්න නරකයි දැක්මක් වැඩපිළිවෙළක් නැතුව ඇවිත් යහපාලනය වැඩපිළිවෙළට පැනලා ජනාධිපති වුන මෛත්‍රීපාලත් ඕකම තමයි කිව්වේ. මේ වගේ භ්‍රෂ්ටයන්  එන්නේ කොහොම හරි අපේ වැඩපිළිවෙළට ඇතුල් වෙලා බලය ගන්න මිසක් ඒ අයගේ ජීවිත වල දියුණු ප්‍රජාතන්ත්‍රවාදී සමාජයක් වෙනුවෙන් සැබෑ කැපවීමක් හෝ පෙළඹුමක් නෑ.

එහෙනම් එහෙම ප්‍රෝඩාදාස කෙනෙක් ජනාධිපති අපේක්ෂකයා කරන්නේ  මොකටද? පස්සෙ " පර බල්ලා " කියලා බැන්නාම ඇතිද? මෛත්‍රීපාල නිසා වැටුනු වලේ ප්‍රෝඩාදාස නිසා වැටෙන්න ඕනද?

'ජනාධිපති ධූරය අහෝසි කරන්න සජිත් එකඟ නෑ': හෙටත් ප්‍රෙස් එකක් තියන්න! 'ජනාධිපති ධූරය  අහෝසි කරන්න සජිත් එකඟ නෑ': හෙටත්  ප්‍රෙස් එකක් තියන්න! Reviewed by Admin on 9:11 AM Rating: 5

No comments

Top Gossip

gossip